ទំនុកចិត្តនៃគ្រឿងសំណង់

ក្រុមហ៊ុន ស៊ីណាតា ឯ.ក គឺជាក្រុមហ៊ុនផ្គត់ផ្គង់គ្រឿងសំណង់ឈានមុខគេនៅក្នុងព្រះរាជាណាចក្រកម្ពុជា ត្រូវបានបង្កើតឡើងនៅក្នុងអំឡុងទសវត្ស១៩៩៦ ដោយស្ថាបនិក កូនខ្មែរ និងជាប្រធាន ក្រុមប្រឹក្សាភិបាលដ៏មានទេពកោសល្យ និងចក្ខុវិស័យវែងឆ្ងាយនោះគឺ លោកឧកញ៉ា ស៊ី ហ៊ូហ៊ុយ ។ ក្រុមហ៊ុន ស៊ីណាតា មានការរីកចម្រើនជាបន្តបន្ទាប់ ជាពិសេសក្នុងរយៈពេល ១០ឆ្នាំចុងក្រោយនេះ។ ស៊ីណាតា បាននឹងកំពុងបន្តពង្រឹង និងពង្រីកវឌ្ឍនភាពរបស់ខ្លួនទៅមុខជាលំដាប់ ដើម្បីចូលរួមជាមួយរាជរដ្ឋាភិបាលក្នុងការ កសាងអភិវឌ្ឍសេដ្ឋកិច្ចកម្ពុជា ក៏ដូចជាប្រជាជនខ្មែរទូទាំងប្រទេស។ស៊ីណាតា គឺជាក្រុមហ៊ុនឯកកម្មសិទ្ធិ ដែលបានចាប់ផ្តើមដំណើរការលើកដំបូង មានត្រឹមតែ រ៉ឺម៉ក ម៉ូតូ សម្រាប់ដឹកជូនអតិថិជនបន្តិចបន្តួចតែប៉ុណ្ណោះ ប៉ុន្តែក្រោយមក ដោយសារតែមានការជឿទុកចិត្ត និង ការគាំទ្រពីសំណាកអតិថិជនច្រើនឡើងៗ និងជាបន្តបន្ទាប់ផងនោះ ធ្វើ ឲ្យយើងមានលទ្ធភាពទិញរថយន្តបន្ថែមដើម្បីបម្រើសេវាកម្មដឹកជញ្ចូនជូនអតិថិជនឲ្យបានទាន់ ពេលវេលា ។ ដើម្បីឈរជើងនៅលើទីផ្សារ ប្រកបដោយភាពជឿជាក់ ដែល ត្រូវបានគេទទួលស្គាល់ កោតសរសើរ និងឲ្យតម្លៃ ស៊ីណាតា បានយកចិត្តទុកដាក់ និងផ្ដោតលើគោលការណ៍ ៣ សំខាន់ៗគឺ ភាពសុខុដុមរមនា ភាពស្មោះត្រង់ និងទំនួល ខុសត្រូវ នៅក្នុងទីផ្សារ។ ដោយសារគោលការណ៍ទាំង ៣ នេះហើយ ទើបធ្វើឲ្យដៃគូសហការ អតិថិជន អ្នកផ្គត់ផ្គត់ ជាតិនិងអន្តរជាតិរបស់យើងបានផ្តល់នូវទំនុកចិត្តគាំទ្រ យ៉ាងច្រើនរហូតក្លាយខ្លួនជាក្រុមហ៊ុនផ្គត់ផ្គង់គ្រឿង សំណង់ឈានមុខគេនៅក្នុងប្រទេសកម្ពុជា ។ រហូតមដល់ពេលនេះ ស៊ីណា៎តា បានពង្រីកវិសាលភាព អាជីវកម្មរបស់ខ្លួន ជាច្រើនដែលមានដូចជា សេវាឡូជីស្ទីក វិស័យសាងសង់លំនៅដ្ឋាន និងសេវាដេគ័រ ជាដើម។ បច្ចុប្បន្ន ស៊ីណាតា បាន នឹងកំពុងបន្តសហការជាមួយដៃគូផ្គត់ផ្គង់ជារោងចក្រ ផលិតកម្មទាំងក្នុង និងក្រៅប្រទេសដើម្បីនាំយកនូវផលិតផលមានគុណភាព និងតម្លៃសមរម្យមកចែកចាយជូនអតិថិជន ប្រកបដោយការទទួលខុសត្រូវ និងភារតភាព ជាហេតុធ្វើឲ្យអតិថិជនជឿទុកចិត្ត គាំទ្រ និងប្រើប្រាស់ផលិតផលនិងសេវាកម្មរបស់យើងតាំងពីដើមរហូតមកដល់ពេលនេះ ហើយក៏បានផ្ដល់ឱកាសឲ្យយើងបានឡើងទៅ ឈរលំដាប់កំពូលនៅលើទីផ្សារផ្នែកផ្គត់ផ្គង់សំណង់នៅកម្ពុជា។វឌ្ឍនភាពដ៏ត្រចះត្រចង់នៅពេលនេះអាចកើតឡើងទៅបាន ដោយសារតែមានគំនិតច្នៃប្រឌិតនិងការប្តេជ្ញាចិត្ត ខ្ពស់ពីថ្នាក់ដឹកនាំ និងការចូលរួមយ៉ាងសកម្មពីបុគ្គលិកគ្រប់ជាន់ថ្នាក់ ព្រមទាំងការសហការ គាំទ្រពីអតិថិជន និងដៃគូ សហការទាំងអស់ប្រកបដោយស្មារតីសាមគ្គីគ្នាដែល ឈរលើគោលការណ៍ យើងរួមគ្នា ដើម្បីការរីកចម្រើនទាំងអស់គ្នា។